森．湯咖哩 (已結業)

呢間木系裝潢嘅日式餐廳主打北海道湯咖喱，主菜由肉類到海鮮都有，亦有多款小食同刨冰，宜家做緊堂食八折、外賣七折優惠，幾抵食。𖦹 香煎帶子湯咖哩 $97咖喱可以自選辣度，包括原味、小辣、大辣，味道香濃帶甜味。帶子厚身鮮甜，配上珍珠米以及十款時令蔬菜：茄子、西蘭花、薯仔、南瓜、蕃茄等，惹味又滿足。𖦹 慢煮炙燒雞叉燒蕃茄湯烏龍麵 $68湯烏冬可以揀番茄/咖喱/沙茶湯底，揀咗蕃茄湯都升幾濃，有啲蕃茄肉。烏冬粗身彈牙，慢煮炙燒雞叉燒非常嫩滑，邊位帶炙燒嘅香氣。𖦹 魷魚卷 +$23 𖦹 芝士年糕 +$23魷魚卷口感彈牙，芝士年糕外脆內軟呈半流心狀態。𖦹 吉列蠔 $18 吉列蠔炸得香脆，略嫌厚粉咗啲。𖦹 開心果味刨冰 ＄72 開心果味突出，刨冰中間有開心果碎及麻薯粒增加口感，可惜刨冰偏粗粒，如果再flakey啲就好。