慢理牆城

今日同朋友商量晚飯地點，太多選擇亦太多意見，於是上網揾下啦！一個特別既餐廳名"慢理牆城"，還掂未去過萬里長城，就㨂呢間試下，砵蘭街既M1酒店，絕對好易就揾到，比預約時間早到左，我地發覺環境好舒服，好有森林感覺，每張枱邊都設有一個木箱，原來係放置手袋物件，我既背包當然放低，就令我食得更舒適！

我地黎到好似大鄉里，見到餐牌d 菜式名稱都笑到抓頭，什麼"帽事既，傻豬"，或者"姨媽駛乜驚"，全部係飲品，千萬吾好心邪！

先叫左個拼盤，"慢落豬"其實係見到好多人都叫呢個食，實無錯啦！呢個係黑毛豬串燒，係大大串，有三串，貨真價實！

叫一個明太子蟹肉意粉，全碟粉紅色，女人最鐘意！

加上一杯無酒精成份既凍啤，其實係蘋果橙紅茶，好香甜。呢間餐廳食品，令我兩好有驚喜，好多都好想試，下次一定會再試其他美食。