其中去咗呢間和牛檔，估唔到棟篤食都食到鐵板燒
嗌個和牛關西燒，師傅即席喺檔口鐵板燒
望住關西燒點樣誕生，啲牛肉同蛋煎同嗞嗞聲
食落更加滋味，牛香同蛋香同醬香完美混合
同時仲整埋香蔥和牛多士，見住啲牛肉油光閃閃，夾住香蔥，放喺烘過嘅多士之上
口感好有層次，蔥油香同肉香雙重揮發
仲有同場加映煎埋餃子，係和牛芫荽，太令人興奮喇
喺鐵板上慢慢煎，焗住佢一陣，完美雪花就出咗嚟，咬落少少脆又有咬口，芫荽香同牛味好夾
除咗餃子，仲有雲吞，冇諗過和牛都可以包雲吞，同鮮蝦放埋一齊，脆到卜卜脆
點醬食都好過癮，蝦嘅爽口同牛肉一樣夾
食咗咁多牛，都有豬肉食吓，佢地都有串燒賣，仲要係沙嗲味嘅豚肉串，同一般沙嗲醬好唔同，略帶甘香，豬肉好爽口
