HeSheEat (白布街) (已結業)

依間係旺角人氣甜點品店，好多人都去食，今之就去到依間店食。依家有買一送一嘅優惠，非常抵食，同埋成日都有期間限定產品推出。佢嘅環境好靚，好適合作為打卡嘅cafe。叫左炸厚切黑毛豬滑蛋蓋意式紅飯，塊豬扒係真心好厚同大塊，佢仲要熱辣辣，佢炸得岩岩好，唔會覺得佢好油膩。佢嘅滑蛋好滑同個飯一齊食好正，非常夾。意式紅飯係蕃茄味，茄味好濃，成個飯好好食。佢仲有黑醋沙律，沙律菜唔會好苦。叫左煎三文魚扒意式蕃茄水牛芝士意粉，三文魚扒煎得岩岩好，特別係三文魚皮，成塊三文魚扒好多魚油，非常好食。碟意粉有粒粒嘅水牛芝士，芝士味好濃，同意粉一齊撈都幾好食。特別鍾意佢嘅蕃茄意粉，蕃茄味好足，啖啖都食到蕃茄蓉。士多啤梨焦糖脆脆梳乎厘班戟好大份，幾個人一齊分享都得，佢仲好有空氣感，非常彈。佢嘅賣相好靚，好適合打下卡。士多啤梨好甜，唔會好酸；焦糖脆脆好好食，同梳乎厘一齊食好正；估唔到芝士奶蓋cream都可以整梳乎厘，啖啖都係幸福感。