得龍大飯店 (已搬遷) 新店位置

連續兩個星期响度開飯，一次係跟太座一家來，跟住就同爸媽哥哥們來慶祝母親節，兩餐夾埋食咗二十多個餸，食物盛宴也當然好些招牌作如太爺雞、冬瓜盅及砵酒焗桶蠔就係打孖上la...太爺雞依舊高水準 --- 肉滑溜，煙燻味足，未吃過嘅如哥嫂們當然有讚冇彈。自己吃過不下四五次，最欣賞反而係嗰個醮雞嘅醬，有着濃濃嘅葱味，鹹鹹香香，用嚟拌飯，比雞還好吃...金錢雞蜜味仍足，冰肉爽口之餘又冇乜肥油。老實講，雞肝、冰肉及义燒，冇一樣唔係着重健康或減肥人仕嘅大敵。但又唔係日日食，面對如此美食，偶一為之，有何問題 ? 嗰種入口甘香豐腴嘅口感，少D定力都企唔穩la...第一次响度食鴨掌包。响紫荊閣就食得多，相比之下，得龍還是勝一籌，呢度嘅蜜汁下得較重手，食落冇咁乾身，而且呢度嘅雞肝及义燒燒得更肥美。下次找個機會試埋個鵝掌包先得...桶蠔焗得邊位微脆之餘，肉入口又夠creamy，食得太座一家大樂。但我較挑剔，若酒味再濃一點會更好...山楂咕嚕肉炸得香口，即使隔咗一排外皮仍然係脆嘅，炸功一流；用嘅又係偏肥嘅肉，食落有少少融化嘅感覺；不用上醋汁而用傳統山楂調味，口感清新，食唔慣嘅可能覺得不夠酸，但小弟又覺得各師各法，各