更多
2020-09-28
842 瀏覽
三個女人一個墟，幾個朋友聚埋一齊，最好節目當然係Low Tea啦～🤭最近我都周圍試唔同嘅下午茶！除咗上兩個Post介紹過嘅蜂蜜下午茶，仲有試one+one café & bar出嘅「桃の蜜語」下午茶！夏末初秋，正係日本白桃完熟嘅季節！呢個「桃の蜜語」下午茶就係用「桃之鄉」山梨縣產嘅白桃製成，呢度出產嘅蜜桃出名豐腴渾圓、白裡透紅，桃肉仲特別滑嫩多汁，用此入饌製成嘅鹹甜美點，味道真係相當唔錯！✦甜點包括：山梨白桃伴白桃雪葩、山梨白桃撻、意式白桃奶凍伴燕窩、白桃拿破崙、白桃軟心慕絲蛋糕、白桃軟芝士蛋糕伴白桃忌廉咁多款入面，我最鍾意山梨白桃伴白桃雪葩，係切半嘅白桃上，放咗一球白桃雪葩，挖出桃肉，伴隨冰凍嘅雪葩一同食用，口感唔錯！師傅仲會放乾冰送上，成個甜品真係勁Igable！另外，白桃奶凍杯都顏值好高！面層鋪滿白桃果肉及燕窩，底下就係桃味粉紅啫喱，再加上嫩滑奶凍，用料超豐富超。✦鹹點包括：大蝦白桃、白桃乳酪酥、芒果牛油果帶子串、酥炸蟹肉餅漢堡、香草番茄意式烤麵包鹹點之中，大蝦白桃杯最令我印象難忘！杯中有一隻加拿大厚肉大蝦，經香草及白胡椒粒調味，味道好鮮甜。大蝦再浸入鮮榨白桃汁
最近我都周圍試唔同嘅下午茶！除咗上兩個Post介紹過嘅蜂蜜下午茶，仲有試one+one café & bar出嘅「桃の蜜語」下午茶！
「桃の蜜語」下午茶（2位）
$428
37 瀏覽
0 讚好
0 留言
✦甜點包括：山梨白桃伴白桃雪葩、山梨白桃撻、意式白桃奶凍伴燕窩、白桃拿破崙、白桃軟心慕絲蛋糕、白桃軟芝士蛋糕伴白桃忌廉
咁多款入面，我最鍾意山梨白桃伴白桃雪葩，係切半嘅白桃上，放咗一球白桃雪葩，挖出桃肉，伴隨冰凍嘅雪葩一同食用，口感唔錯！師傅仲會放乾冰送上，成個甜品真係勁Igable！
另外，白桃奶凍杯都顏值好高！面層鋪滿白桃果肉及燕窩，底下就係桃味粉紅啫喱，再加上嫩滑奶凍，用料超豐富超。
✦鹹點包括：大蝦白桃、白桃乳酪酥、芒果牛油果帶子串、酥炸蟹肉餅漢堡、香草番茄意式烤麵包
鹹點之中，大蝦白桃杯最令我印象難忘！杯中有一隻加拿大厚肉大蝦，經香草及白胡椒粒調味，味道好鮮甜。大蝦再浸入鮮榨白桃汁梳打水，輕呷一口，有種爽透心涼嘅感覺。
芒果牛油果帶子串都好正，芒果同牛油果幾夾，好creamy清新，入面仲夾有煎香咗嘅帶子，爽爽地幾好食。
✦白桃檸檬梳打
「桃の蜜語」下午茶配兩杯白桃檸檬梳打，個人覺得幾好，唔甜，甘甘地，用嚟送甜品真係一流！
張貼
