金丼港日台料理 (已結業)

一坐低，個經理行過，熟口熟面，再望下台面擺設，有天婦羅汁同燒汁，中式菜式點菜紙的選項，同五月花一樣，又係有火鍋任食，唯一唔同的係有芝士年糕(我好耐無去五月花，唔知佢最近有無新加)。咁覺得五月花ok的都會覺得呢度ok，整體質素同五月花一樣，服務無五月花(旺角店)咁好。不過個芝士年糕就真係唔掂，試過3間放題有得食芝士年糕，全部質素一樣，唯獨呢間(第4間我試過有芝士年糕)，唔知d貨邊度入，年糕皮唔彈牙兼糊口的，味道仲怪怪的，芝士又少。但個帶子串燒就唔錯，唔計細粒的話，大少少(大過五毫子的)都幾好食。