地中海休閒餐廳 (已結業)

雖然餐廳位置比較遠離地鐵站，但係為咗試一試呢度嘅西餐同埋當做下運動，我同朋友嚟咗九龍塘呢一間Bistro Bon食晚飯。前菜方面係有餐廳特製嘅西式麵包，比一般餐廳提供嘅餐包更有麥味，熱騰騰咁加上牛油，相當精緻。是日嘅餐湯係菠菜湯，附上意大利麵包屑相當合襯。擺碟亦相當有藝術性。前菜為三文魚他他，做工精緻，上層三文魚味道突出，下層麥子鬆脆。主菜方面我哋叫咗五成熟嘅美國安格士牛腹肉及西班牙辣肉腸意式番茄意粉，賣相相當吸引。牛腹肉牛味十足，表面烤得非常脆皮，配上即炸薯條簡直係一流！而意粉嘅調味亦能將蒜香同番茄嘅鮮甜合二為一，配上大蝦嘅海鮮風味，實為一絕。最後亦升級餐飲為特飲黑豆latte，以如此價錢有咁好嘅presentation比不少cafe優勝！