唐記包點 (港鐵觀塘站)

營業中

休息中

返工經過唐記，發現新出左柯華田包同奶茶，作為華田派梗係要試下😎第一啖咬落去仲未咬到流心，但麵包外皮食落已經有少少華田味。再咬落去嘩！！不得了！本身咁既價錢唔期望好流心，以為會好似酒樓奶黃包咁一舊奶黃既狀態，點知完全超出我所料！！華田漿充滿哂成隻包，每啖咬落去都要爆出黎咁制，要好小心食。包入面既漿仲可以浪下浪下🤣正係正，不過亦因爲太多流心漿食左一隻已經好膩，但絕對值得返轉頭！！至於華田奶茶，本身唐記既奶茶已經好濃郁，所以華田味會稍為比奶茶味掩蓋，飲到落底搖勻華田味先會比較出，但整體都係高質。