La Famille (已結業)

最近係我屋企人生日，既然係生日，當然要買蛋糕啦。曾經食過La Famille即蛋糕，除左賣相好，味道亦都好好， 真係食過返尋味呀，所以今次決定又要訂它家既蛋糕。中午黎到餐廳，都有唔少客人喺度食蛋糕。銅鑼灣分店可以堂食，其實真係好方便，因為有啲餐廳會收切餅費，如果食完晩餐直接食完蛋糕，慳番切餅費，都係個唔錯嘅選擇。日本柚子芝士蛋糕 15cm $390一個15厘米嘅蛋糕，足夠我哋四個人分黎食。依個柚子芝士囗味，其實係餐廳招牌之一，問服務員有咩好食，佢都推介我食依一個蛋糕。而生日個位小姐，其實都好鍾意食柚子同芝士，所以買依個就冇錯啦。一切落去，個蛋糕好鬆軟，柚子味好濃，忌廉既部分，竟然仲有柚子皮，味道真係好夾，屋企人食得好開心。