一起食堂 (軒尼詩道) (已結業)

今日收工有時間去食野啦，原來係灣仔都有一起食堂，之前中環個同事話好食，試下都好喎！好，坐低睇下有咩好食先。日式和風牛肉烏龍麵，份量都ok，牛肉軟綿綿，仲有滑滑烏冬，溫泉蛋我會先咬一啖，跟住啲蛋漿再落湯拌麵。吉列豬扒冷烏冬拌柚子汁，豬扒炸到金黃色，原塊好整齊，靚到好似假咁，哈！食落超脆口，炸皮夠薄，裡面啲肉好軟腍。個柚子汁好fresh，拌烏冬食落好清新，好開胃。小吃炸花枝丸，好喜歡花枝丸個種咬落去Q彈感。飲品叫左黑糖薑母茶和仙草奶茶，呢度飲品沖得都唔錯，甜度適中。