竹地館

中秋節加餸，第一時間又諗到要黎竹地館買番幾味潮州野孝敬娘親。除左價錢公道，環境都好企理，唔會油淋淋，後生員工主理的確唔同啲。

潮州鹹菜$15
話明架己冷一定最想食鹹菜，而其實個鹹菜唔係鹹，仲會係甜酸得宜，所以$15咁大盒都會轉眼間食晒，極之開胃嘅小吃。

潮式鹹香雞半隻$55
雞肉嫩滑，只係鹹香味唔算好夠，不過當白切雞咁食都無壞，價格上都無得輸。

韮菜豬紅$38
好耐無食到好食又惹味嘅韮菜豬紅，處理得好嘅豬紅無異味，韮菜都唔爽脆無渣，最重要係個辣汁好入味，唔死鹹，送飯一流！

白雲鳳爪$20
無睇錯，出面同樣份量可能都要雙倍價錢，只不過再墊底有生菜咁解，呢度實實在在有6-7隻無骨鳳爪，買黎送酒正呀！