影片
更多
2021-04-26
80 瀏覽
平時冇乜幾可嚟大角咀，突然泰國癮起見到附近又咁啱有間泰國餐廳唔使等位就入左去食。基本上想食嘅泰國嘢佢都有，仲要價錢唔係好貴，啱晒餓咗幾個鐘嘅我哋。今次因為同屋企人食所以叫多左幾樣佢地鍾意食既野😂首先講講個明爐烏頭，真心正到爆燈😍入到去已經奇怪點解個個枱面都叫呢碟，咁就當然要自己試下佢有咩咁吸引。果然人人都叫嘅野多數都係好野，條魚好大條同好新鮮，食落去完全冇腥味，個魚肉同魚皮都好滑身。平時自己都唔多會叫魚黎食因為好驚骨，呢條魚當然都有骨但係好易挑走，所以基本上唔使擔心話會食到好論盡。另外覺得呢味菜既精髓仲有佢嘅汁，係泰國菜常見嘅酸酸甜甜味，用咗好多配料香菜，側邊仲有啲菇陪襯，夾起一舊魚肉再加埋配料點埋個汁真係好正🤩最後條魚比我地食到一d肉都無剩😂豬頸肉就係自己每次食泰國餐廳必點嘅菜式，呢度嘅豬頸肉特別在於佢真係成個爐火咁搬出黎，份量唔算好多但每件都幾厚身，一望佢既色澤都覺得好吸引，食落去唔會話乾柴柴，而且因為真係啱啱爐火燒出嚟所以有淡淡既炭烤味但又唔會燶曬，三個人分每人都食到兩三件🙆♀️豬手煲就係阿媽鍾意食嘅，個煲入面豬手有肥有瘦，醃得都夠味，下面仲有啲菜食落無咁油膩。自己對豬手就冇乜特
首先講講個明爐烏頭，真心正到爆燈😍入到去已經奇怪點解個個枱面都叫呢碟，咁就當然要自己試下佢有咩咁吸引。果然人人都叫嘅野多數都係好野，條魚好大條同好新鮮，食落去完全冇腥味，個魚肉同魚皮都好滑身。平時自己都唔多會叫魚黎食因為好驚骨，呢條魚當然都有骨但係好易挑走，所以基本上唔使擔心話會食到好論盡。另外覺得呢味菜既精髓仲有佢嘅汁，係泰國菜常見嘅酸酸甜甜味，用咗好多配料香菜，側邊仲有啲菇陪襯，夾起一舊魚肉再加埋配料點埋個汁真係好正🤩最後條魚比我地食到一d肉都無剩😂
豬頸肉就係自己每次食泰國餐廳必點嘅菜式，呢度嘅豬頸肉特別在於佢真係成個爐火咁搬出黎，份量唔算好多但每件都幾厚身，一望佢既色澤都覺得好吸引，食落去唔會話乾柴柴，而且因為真係啱啱爐火燒出嚟所以有淡淡既炭烤味但又唔會燶曬，三個人分每人都食到兩三件🙆♀️
豬手煲就係阿媽鍾意食嘅，個煲入面豬手有肥有瘦，醃得都夠味，下面仲有啲菜食落無咁油膩。自己對豬手就冇乜特別感覺，覺得正正常常。阿媽就話味道都可以，不過佢自己就鍾意食再肥啲嘅豬手。
另外一個我自己私心鍾意食嘅就係柚子蝦沙律，之前食嘅餐廳多數都係少少蝦同柚子跟住就主要都係菜，但係呢度就真係勁多柚子，基本上成碟都係，啲柚子勁甜勁多汁，食完啲肉類再食返啖柚子成個感覺fresh好多，蝦就相對比較少啲。
生菜包肉同埋大蝦金邊粉都唔錯。值得一提嘅係佢生菜嘅份量好足夠，有時喺其他餐廳食呢味菜比嘅生菜太少最尾就要就咁食啲肉碎，但佢呢個菜同肉嘅比例啱啱好，食到最尾一片都仲有肉可以夾👍另外溫馨提示一下，佢嘅金邊粉真係超級大兜，叫一個主食三個人分絕對足夠。
兩款野飲入面比較推薦嘅係椰青好清甜，紅豆冰就個人比較鍾意碎冰而佢係用大舊冰，不過味道上就都ok唔會太甜。
張貼
