影片
更多
2019-07-09
114 瀏覽
相約左朋友放工食個飯傾下大家近況，佢話想試下呢度啲jam，好食就順便買樽返去搽麵包食。我地叫左兩個dinner set，包一個沙律、餐湯同甜品，揀左蒜辣天使紅蝦意粉同士多啤梨醬燒豬肋骨。田園沙律配熱情果油醋汁，食落唔單至有熱情果味，問一問waitress重有啲咩，佢話呢個熱帶風情果醋汁有芒果、木瓜、熱情果同蘋果。食落酸mei mei好fresh！面頭重有啲果肉。餐湯我揀左雜菜湯，正常味道，有啲紅腰豆、紅蘿蔔、西芹、番茄同南瓜。朋友揀左磨菇湯，佢話都幾濃磨菇味，食到有粒粒磨菇。蒜辣天使紅蝦意粉係我食過咁多次蝦意粉入面，蝦既份量最多既一間！！😍😍😍竟然有四！大！隻！🦐🦐🦐🦐前所未見過咁多！重要係堅大隻，又爽口彈牙，有蝦味🦐🦐🦐🦐好好食！如果四個人share唔洗爭一人一隻得！旁邊既意粉都好好味充斥住蒜香同番茄味，帶點辣，又香又惹味！意粉偏幼身，煮到有少少硬度，啱晒我口味，真係非常抵食！！！士多啤梨醬燒豬肋骨份量同樣好大，有成8條骨，士多啤梨醬出奇地夾個ribs，可惜嫌佢太少醬，唔夠點，可以俾多啲就更好。底下既薯角非常之香脆，係食過最好味既薯角，佢個外層比食開個種薄，外脆內軟綿，好正！甜品係雲
我地叫左兩個dinner set，包一個沙律、餐湯同甜品，揀左蒜辣天使紅蝦意粉同士多啤梨醬燒豬肋骨。
田園沙律配熱情果油醋汁，食落唔單至有熱情果味，問一問waitress重有啲咩，佢話呢個熱帶風情果醋汁有芒果、木瓜、熱情果同蘋果。食落酸mei mei好fresh！面頭重有啲果肉。
餐湯我揀左雜菜湯，正常味道，有啲紅腰豆、紅蘿蔔、西芹、番茄同南瓜。
朋友揀左磨菇湯，佢話都幾濃磨菇味，食到有粒粒磨菇。
蒜辣天使紅蝦意粉係我食過咁多次蝦意粉入面，蝦既份量最多既一間！！😍😍😍竟然有四！大！隻！🦐🦐🦐🦐
前所未見過咁多！重要係堅大隻，又爽口彈牙，有蝦味🦐🦐🦐🦐好好食！
如果四個人share唔洗爭一人一隻得！旁邊既意粉都好好味充斥住蒜香同番茄味，帶點辣，又香又惹味！意粉偏幼身，煮到有少少硬度，啱晒我口味，真係非常抵食！！！
士多啤梨醬燒豬肋骨份量同樣好大，有成8條骨，士多啤梨醬出奇地夾個ribs，可惜嫌佢太少醬，唔夠點，可以俾多啲就更好。
底下既薯角非常之香脆，係食過最好味既薯角，佢個外層比食開個種薄，外脆內軟綿，好正！
甜品係雲呢拿雪糕，真係有真。雲呢拿籽👍🏻👍🏻👍🏻面頭淋上士多啤梨醬，幾好味。
飲品跟餐有半價，我點左玫瑰蘋果茶，無過waitress係無咖啡因先敢點，唔係會訓唔著。用左佢地自家製既玫瑰蘋果jam沖，第一啖飲先飲到蘋果味，然後有淡淡既玫瑰花香，唔會太甜，亦無蘋果既酸味，不錯！朋友話佢個杯肉桂蘋果紅茶都幾好飲。最後佢重買左樽肉桂蘋果jam返去～
張貼
