一起果醬 (已結業)

平時鍾意食果醬，見到呢間餐廳以果醬為主題，就同朋友黎試下先。當日有幾個套餐，會配埋沙律，餐湯同甜品。既然以果醬為主打，自然就唔少得果醬奶昔，呢度都幾多款味道，搞到我選擇困難症又發作啦！首先登場嘅係沙律，上面有啲生果，酸酸地夠曬開胃，不過下面齋食沙律菜就有少少單調。我哋分別嗌左黑松露蘑菇湯同埋蕃茄羅宋湯。蘑菇湯超濃郁嘅黑松露香，而且入邊有粒粒細碎嘅蘑菇，非常香濃。而羅宋湯偏酸，唔會有膩感。木瓜雪耳奶昔，入邊有一粒粒嘅雪耳，木瓜味道突出，又唔會好甜。黑糖味道滿溢，個人比較鍾意呢個。安格斯西蘭扒配玫瑰蘋果汁，肉質鮮嫩軟滑，牛味香濃，玫瑰蘋果汁香甜可口，配上肉類出奇地夾，如果啲汁份量再多啲就更好。法式油封鴨髀配丁香香橙果醬，我最鍾情於佢嗰果醬，對肉類有昇華既作用，香香甜甜，非常好食。最後黎個芝士蛋糕，為今餐畫上完美嘅句號。