一起果醬 (已結業)

之前都係西貢分店食過幾次，另外都買過果醬，搽多士同沖水飲都唔錯。今次叫左一個set同意粉，多士。跟餐嘅田園沙律配熱情果油醋熱情果酸酸甜甜好開胃。磨菇湯好浠，無乜磨菇粒。雜莓果醬奶昔有少少怪味，而且有啲碎冰粒。黃金蟹肉軟殼蟹意粉依加咩都興黃金（咸蛋黃），連意粉都出埋。咸蛋黃都係香不過就偏油。軟殼蟹好香脆，整體都幾夾。果醬九宮格多士可以一次過試到九隻醬，不過如果有寫係咩果醬會更好，唔洗估估下。慢煮羊架配芒果芥末汁芒果芥末汁好香甜，同羊架好夾。而且羊架唔會煮得太熟，好juicy。桂花雪梨茶好清甜滋潤，有淡淡桂花清香。芝士蛋糕細細件啱啱好，朋友話啲cream係敗筆。