Y Show Tasty (已結業)

尖沙咀H8呢幢大廈一向多嘢食，今日同朋友係尖沙咀做完Spa決定係h8呢度搵少少嘢食下傾吓計,朋友話佢之前食過呢一間都唔錯，一於就試吓佢。一上到去，裝修型格有格調，餐枱上面嘅擺盤方法嚴謹，侍應全部着西裝，感覺有啲似formal嘅西餐廳餐牌選擇唔算好多慢煮雞胸凱撒沙律($88)一食落去，嗰醬勁重芝士味，已經十分加分，沙律菜新鮮清甜，最難得嘅係雞胸一啲都唔老，食落唔乾唔鞋，仲有淡淡煙熏味，十分出色香燒美國頂級肉眼配野菌汁($368)牛扒表面煎得香脆，肉味濃，冇特別多餘嘅血水流出，證明牛扒rest得幾夠時間。其他配菜都好好食，特別鍾意食焗蒜😊一啖牛一啖蒜，特別惹味。