影片
更多
2017-12-28
92 瀏覽
星期日去完大帽山行山，消耗左咁多卡路里，最啱就係去食任食啦！今日就一於試吓倫哥私房菜。8:15提早入去，座無虛席，星期日晚好多一家大細黎食雞煲+hotpot。一坐低就有一個麻辣冷盤。雞煲有bb辣，小辣 ，中辣 ，大辣，今次叫咗小辣，不過唔覺得辣，下次要叫中辣先！等緊食雞煲就上咗一個刺身拼盤，有北寄貝、章紅魚、三文魚刺身、帆立貝刺身、特大蝦刺身。海鮮好鮮甜同爽口，只可惜唔係任食。三文魚刺身很肥美，淡淡三文魚油香。大蝦刺身很爽口彈牙，感覺非常新鮮。每位仲有一個雞腳豬肉紅棗杞子燉湯，雞肉好腍，好易離骨。個湯很清甜，感覺很滋補潤喉，在這個乾燥的秋冬天飲剛剛好。這個湯encore要$2x。呢個係蠔皇扣鮑魚，以人頭$318位的價錢，呢個真係比到驚喜我；鮑魚有嚼勁，越吃越甘香，而冬菇就吸收晒鮑魚醬汁，香濃惹味。今期仲有一人一隻大閘蟹，入邊都幾多杰撻撻的膏，今日男朋友仲教埋我點樣開大閘蟹haha！聽到隔離枱話最好食係雞煲!雞煲很足料，雞肉很嫩滑，裏面仲有很多香口的材料，有洋蔥，芫荽，辣椒，香蔥等等。分量十足，食完個雞煲都已經飽左三分一。清咗個雞煲就換蟹鍋hotpot，因為男友鍾意食蟹，加上濃郁的鮮甜蟹
8:15提早入去，座無虛席，星期日晚好多一家大細黎食雞煲+hotpot。
一坐低就有一個麻辣冷盤。
雞煲有bb辣，小辣 ，中辣 ，大辣，今次叫咗小辣，不過唔覺得辣，下次要叫中辣先！
等緊食雞煲就上咗一個刺身拼盤，有北寄貝、章紅魚、三文魚刺身、帆立貝刺身、特大蝦刺身。海鮮好鮮甜同爽口，只可惜唔係任食。
三文魚刺身很肥美，淡淡三文魚油香。
大蝦刺身很爽口彈牙，感覺非常新鮮。
每位仲有一個雞腳豬肉紅棗杞子燉湯，雞肉好腍，好易離骨。個湯很清甜，感覺很滋補潤喉，在這個乾燥的秋冬天飲剛剛好。這個湯encore要$2x。
呢個係蠔皇扣鮑魚，以人頭$318位的價錢，呢個真係比到驚喜我；鮑魚有嚼勁，越吃越甘香，而冬菇就吸收晒鮑魚醬汁，香濃惹味。
今期仲有一人一隻大閘蟹，入邊都幾多杰撻撻的膏，今日男朋友仲教埋我點樣開大閘蟹haha！
聽到隔離枱話最好食係雞煲!
雞煲很足料，雞肉很嫩滑，裏面仲有很多香口的材料，有洋蔥，芫荽，辣椒，香蔥等等。分量十足，食完個雞煲都已經飽左三分一。
清咗個雞煲就換蟹鍋hotpot，因為男友鍾意食蟹，加上濃郁的鮮甜蟹香，用蟹湯打邊爐應該一流!
平時屋企打邊爐都係食本地牛脊，牛頸脊間肥間瘦的，落鍋煮一陣就食得。牛味香濃，不用點醬油也能吃到濃郁的牛油香，真係好好味！
同時仲有一個海鮮拼盤，有蟶子、蒸蚌仔，象拔蚌BB，食材全部都好新鮮。蟶子很爽脆，很鮮甜，海水鮮味很重。
食食下突然間放中英文版的生日歌😂又幾盞鬼wor !
吃火鍋就當然要有其他火鍋配料。
響鈴很香脆，吸收晒所有湯汁，味道濃郁，很吸味。
墨魚滑打到起膠，很彈牙，差不多整條都是我食晒。
埋單前先知原來每位仲有一個燕窩椰汁燉蛋白，真係見到有一撮燕窩放在甜品上面，滋陰又養顏～
在這個冬天裡，吃一個暖胃的雞煲和火鍋，感覺真的很滿足，完全暖入心。
張貼
