丸十寿司日本食堂 (已結業)

之前經過已經好想入黎呢間餐廳食，今晚男朋友終帶我黎食啦超級開心！🤩🤩首先starter一定係食豐州直送刺身拼盤5點，由廚師決定當日最新鮮既刺身食材，賣相又靚又好味，拖羅一啲都唔腥，油脂分佈平均，餐廳醬油味道剛好，唔會太鹹而蓋過刺身既鮮味，加埋芥末係perfect match，大赤蝦好正因為有好多蝦膏！赤貝爽口清甜！😍😍丸十壽司盛合一定要提海膽壽司， 入口滑嫩溶化既口感，淡淡既海水，幸福感爆登❤️❤️熟食都煮得出色，櫻花蝦烏冬湯底超濃郁蝦味，好好飲，烏冬又彈牙，男朋友則食左溫泉玉子半燒和牛肉丼，和牛配燒汁惹味，拌飯一流，唔怕乾口👍👍