海南雞公主 (已結業)

今日係附近返工，同同事落街買午餐既時候見到呢間店鋪新開張，餐廳名幾特別，價錢唔算特別貴，就試一試啦。套餐由$58起，有5款選擇，包埋木瓜沙律同泰式炸雞粒，加$10就有埋湯/泰式飲品。推薦👍🏻海南雞飯($62)：海南雞飯可配特式麵豉醬，海南雞醬或薑蔥醬。而米飯就可以揀黃金雞油飯，泰國絲苗飯或健康五穀飯，可以憑自己既飲食習慣黎配搭。叫得自己做海南雞公主，相信海南雞一定特別好食，果然無令我失望！海南雞份量都唔少，雞皮油香四溢，肉質夠嫩滑，厚肉肥美，而且已去骨，食得好方便。配埋醬汁真係不得了！醬汁又酸又辣，醒神又惹味！黃金雞油飯呈金黃色，粒粒分明唔會痴埋一舊，有油香之餘又唔會好膩。木瓜沙律夠爽口，辣度唔高，唔食得辣既人都可以食得到。木瓜絲配上花生粒，口感層次更豐富🥗豬手飯($62)，豬手軟稔入味，不錯。推薦👍🏻椰汁糕椰汁味香濃，凍冰冰，好消暑。