吉列牛忌廉烏冬專門店 (百樂中心) (已結業)

吉列牛呢樣嘢嚟香港嗰陣，呢間係其中一間最出名嘅餐廳，呢日終於可以試下啦！我地叫咗個set, 入面有吉列牛定食同咖哩忌廉烏冬，再另外叫多個雞軟骨餃子。講到明吉列牛專門店，叫嘢食之前就已經擺定個燒板係度。個定食有飯素飯，麵豉湯，麻醬豆腐，仲有三種點吉列牛嘅沾醬。吉列牛嘅份量唔少，脆皮中間係粉嫩嘅牛肉，輕輕燒幾下就可以食，食落好有牛味，啲脆邊仲係熱辣辣脆嘅，唔會好似有啲鋪頭上枱個陣已經淋哂。另外個咖哩烏冬係呢度另一招牌菜。唔講有邊個諗到係一層厚厚嘅白色忌廉下面係咖喱？咖哩食落唔會好辣，撈埋啲忌廉令成件事更濃郁，烏冬食落都好彈牙，果然係招牌菜。另外叫嘅雞軟骨餃子食落都好香口，咬落粒粒雞軟骨，口感幾特別。