媽咪雞蛋仔 (已搬遷) 新店位置

記得呢到剛剛開業嘅時候仲諗: 吓! 呢到又開一間賣雞蛋仔，其實唔係太睇好，當時裡面D人見到路人行過仲大叫試吓啦咁，點知宜家做到榜上有名，仲好多時要排隊。我叫咗粒粒朱古力味，因為係"粒粒"兩個字吸引住，究竟係米真係會有一粒粒嘅朱古力係每一粒雞蛋仔裡面呢？俾完錢個姐姐會話你知要等幾耐跟住俾個牌仔等叫號碼，門口有兩張櫈可以坐，雖然係唔夠，但值得一提係有枝消毒清潔液免費消毒，真係額外細心。出面一般朱古力味嘅雞蛋仔都係成個朱古力色，聞就好香，食落去只略帶朱古力味，但呢到就好唔同(附圖)，而且食落去好似食醉朱古力曲奇，唔會太甜，D皮好似蛋卷咁脆，但裡面就好軟，仲要好大個，隔咗10分鐘再食都仲係外脆內軟，超正！