新沙洞大排檔 (好順景大廈1座) (已結業)

元朗新沙洞大排檔元朗最近開咗間食韓國嘢,每次經過都忍唔住望多兩眼，外表門面五光十色，又有型格招牌，部份座位係outdoor , 似足韓國既路邊攤，環境好適合打卡，今日終於有機會試吓啦！入面環境唔算好大，估唔到平日夜晚都座無虛席，等咗一陣先有位。一坐低佢哋就提供前菜，泡菜係我最愛😍炸蝦芝士紫菜包飯卷見到好多隔籬枱都有叫，大大件嘅飯卷賣相好吸引，一條飯卷切開足足有8份，食到脆炸大蝦、紅蘿蔔絲、蛋絲、酸瓜之餘又有芝士同沙律醬，餡料很多，吃起來很滿足。😋新沙洞招牌炸雞（甜辣+韓式柚子）炸雞係新鮮炸起，熱辣辣脆卜卜，外皮鬆脆、肉質嫰滑，甜辣同柚子汁各有特色，減去油膩感，食多幾件都冇問題。新沙洞芝士部隊鍋部隊鍋份量好多，一嚟到店員主動幫我哋加熱，大約5分鐘之後就食得。成個鍋材料好豐富，有泡菜、韓國年糕，午餐肉、餃子、蟹柳、豆腐、杏鮑菇等等，當然仲有主角韓國拉麵🍲再鋪上一層厚厚既芝士，湯底嘅辣度唔算好辣，但好惹味，係必點既人氣部隊鍋👍🏻最後叫咗支韓國啤酒同粒粒提子汁，好似飛咗轉韓國一樣🥰