巴蜀烤全魚 (已搬遷) 新店位置

今日到紅磡專登去人氣食店巴蜀烤全魚試試,雜誌都有介紹過,晚上6:30到,已經有好多人,等咗10分鐘就已經有枱,4個人叫1條香辣全魚加配菜、魚卜湯、羊串、雞串、豬潤米線。先到豬潤米線,豬潤夠多夠大碗,豬潤火喉剛剛好爽夾滑極正,米缐盡吸豬潤魚湯精華,米線夠彈牙超水準,湯底極正夠魚味又唔腥學佢所講絕冇味精,魚卜湯4人分每人1小碗夠養顏滋補唔錯,雞串醃制得好好味烤得外脆內香有肉汁,羊串香料惹味十足正,香辣全魚到,條魚真係好大條,我叫中辣都覺得好辣,條魚1路食1路有火慶著條魚,又香又辣十分過癮,4個人食到飽飽埋單3佰幾又幾抵,下次再去紅磡1定再食。