林記小食

之前朋友食過呢一間小食就推介我今日過嚟紅磡，見到都幾多人排隊可能係人氣嘅食店！今日就揀咗燒賣同埋魚蛋，如果要紙碗嘅話要另外加多一蚊，冇所謂，就加咗！

老實講燒賣魚蛋嘅價錢唔係特別平，不過質素我係覺得唔錯嘅，燒賣都有魚肉嘅味道，唔會話好多粉，加埋餐廳嘅辣椒豉油非常好食，魚蛋嘅辣亦都非常出色，做到爽口彈牙嘅效果，唔會話係平平無奇嘅質素，位置嚟講喺觀音廟附近，唔算好近地鐵站，不過如果搭巴士嘅話就會比較方便。

3