板前壽司 (已結業)

今日去食完返黎，真係睇到我眼突，乜野管理咁差，離晒譜！１）成班師父都係中三四咁既樣，一路吹水一路整壽司，仲講邊條女正呀，上次上邊度玩呀之類．．．ｄ衫又污糟！唔講以為自己去左ｍｋ　ｄ平價店！２）有個人係咁ｏ係度清潔／消毒ｄ壽司罩，但係你知唔知佢點做呢？就係ｏ係張ｓｕｓｈｉ　ｔｒａｉｎ上面每一碟壽司個罩羅起，用一個膠水壺噴兩噴，再用一張廁紙抹一抹就算，最奇異既係，果張紙一路都唔換，抹左幾十碟，即係上個罩既污糟野，係會帶落下個罩度，如此類推。另一樣奇異野係，罩緊壽司既罩都要清潔，咁我仲食唔食入面果件壽司好？我睇住你羅起個罩，抹兩野放返落去，而個罩又係掂倒件壽司喎，咁即係點呢？３）佢一路噴果支野，下面原來放左碟魚生！哇，雖則你ｄ噴霧可能係可食用，但我冇理由明知有消毒野都擺口落口呀？痴線！４）個別員工冇禮貌，ｏｒｄｅｒ左既ｓｕｓｈｉ做咁隊過黎，完全唔講野．．．ｄ　ｗａｉｔｅｒ仲好笑，一野放低，再加多句『先生，你碟野』如是者，我食左三碟就閃了！