影片
更多
2007-03-20
5 瀏覽
一直都覺得和\"板前\"無乜緣份, 第一次在尖沙咀店拿了飛, 45分鐘後返到去叫no.過了6個(叫過了3個no.就要再拿過飛), 食唔到...., 第二次在銅鑼灣店拿了飛, 今次唔敢行得太遠, 行行吓又走返去睇吓得未, 率之等了2個小時後, 最後一次返去又係叫過咗4個no., 又係食唔到昨天經過旺角店, 又再試吓等啦, 拿了309號飛, 今次死都唔行開架啦, 率之35分鐘後入到去了hahahahahaha 由於迴轉檯無位, 所以坐咗去壽司Bar檯, 重好啦, 有兩個師傅take care十幾個客, 所有壽司即叫即造, 新鮮到痺呀, 而啲壽司全部都係手握, 唔係機出架, 食落更有口感, 唔講咁多開杯茶先.睇吓Menu先.......嘩! 實在係太多選擇了, 樣樣都好似好好食添, 叫住啲試吓先嘩!!! 先食第一組壽司, 有雞蛋, 三文魚和帆立貝, 都幾新鮮, 不過無乜特別再嚟海膽和珍寶帆立貝, 海膽新鮮唔苦, 賣$25兩件, 真係幾實惠, 至於珍寶帆立貝, 好大隻好鮮呀, $35蚊兩件, 超值呀, 不過我覺得好似凍咗啲 (好似剛剛解完凍咁) 再來兩客卷物, 吉列蝦卷和板前特卷.....我覺
昨天經過旺角店, 又再試吓等啦, 拿了309號飛, 今次死都唔行開架啦, 率之35分鐘後入到去了hahahahahaha
由於迴轉檯無位, 所以坐咗去壽司Bar檯, 重好啦, 有兩個師傅take care十幾個客, 所有壽司即叫即造, 新鮮到痺呀, 而啲壽司全部都係手握, 唔係機出架, 食落更有口感, 唔講咁多開杯茶先.
睇吓Menu先.......嘩! 實在係太多選擇了, 樣樣都好似好好食添, 叫住啲試吓先
嘩!!! 先食第一組壽司, 有雞蛋, 三文魚和帆立貝, 都幾新鮮, 不過無乜特別
再嚟海膽和珍寶帆立貝, 海膽新鮮唔苦, 賣$25兩件, 真係幾實惠, 至於珍寶帆立貝, 好大隻好鮮呀, $35蚊兩件, 超值呀, 不過我覺得好似凍咗啲 (好似剛剛解完凍咁)
再來兩客卷物, 吉列蝦卷和板前特卷.....我覺得太大舊了, 都唔知點食好, 而且味道都係一般, 吉列蝦卷麻麻地, 板前特卷都好少少有啲海膽充撐吓
好在之後係奶油薯餅的出場, 好味呀, 又抵$12
這個是甜蝦牛乳白湯, 清清地幾好飲架, 不過無蝦, 但個底有件日本年糕, 嘩!! 好飽呀
重嚟 , 今餐\真係超標呀, 好靚吞拿魚呀, 好新鮮呀, 重有吞拿魚腩, 貴嘢喎$35/件, 老公話SoSo.....(死佬, 叫件貴嘢重要話SoSo, 唔得我又要叫件貴嘢先)
各位觀眾, 火炙5A和牛呀, $30/件, 好香牛味, 入口即溶呀, 但好肥, 一口都係油呀, 至於特大虎蝦算係幾特式啦, 不過啲蝦肉麻麻, 好一般啦
蝦天婦羅真係幾好食, 是跟鹽吃的, 幾帶到蝦的鮮味
真係最後一碟, 實在如果唔係鵝肝出場, 我真係再食唔落啦, 好飽呀!!!! 講返鵝肝, 真係整得幾好, 又唔腥, 又香口, 又平$25, 想點先, 至於隔離的是新出品, 煙薯豚芝士, 點解啲豚(即係豬)叫薯豚呢, 原來佢\哋係食九州番薯大的, 所以就叫薯豚了, 食落好似厚身煙肉咁(不過又無煙肉咁肥), 幾香口架
好了, 率之食晒lu, 最後埋單$386.1, 飲埋杯熱茶, 走人....... 好滿意呀
張貼