松記糖水店 (已結業)

當明師傅甜品係景峰開張既時候~ 已經有D驚訝~ 話晒景峰又唔係巿中心~ 又唔係西鐵站附近~ 再驚訝既就係連松記都選址於景峰~ 兩大甜品舖同時間出現係景峰~ 實必帶旺呢度所有食肆~ 逢星期六晚都會係景峰出現既我~ 食宵夜又一個選擇~ 唔洗次次去光記食魚蛋腸粉咁悶~ 松記應該近幾日開張~ 因為門口仲擺滿花牌~ 不過好多花都謝謝地~ 可能天氣太熱啦~夜晚9點半去到松記~ 門口企滿晒人~ 果真旺場~ 正諗緊唔知要等幾耐既時候~ 店員就招手示意岩岩有食客離座~ 大家可以入座~ 原來門口既人都係等外賣架 好耐冇黎松記~ 一時之間"選擇困難症"上身~ 唔知食乜好添~ 最後都係食返人氣既"Summer" (朱古力+芝麻雪糕)~ 因為想天氣熱想食雪糕~ 咦! Summer個樣怪怪地咁既? 雪糕球球都有個印咁肉酸既? 好似炸彈~~ d生果貴左好多咩? 好似少左咁多既?定係其實係我好耐冇食~ 所以大驚少怪呢?好彩d珍珠都仲煙韌~ 個朱古力卷卷都夠脆~ 朋友叫左個綠茶意粉 (唔記得個名係乜)~ 同系列既仲有荔枝味~朋友好慷慨分左d綠茶意粉俾大家試食~ 估唔到又ok喎~ 雖然食左2條咁少~ 但都食到有綠茶味~