炭燒笑宴 (已結業)

老闆調職加升遷, 大喜. 臨別在即, 老闆請我地一班同事刷餐勁. 是晚一大班同事去到炭燒笑宴.

老闆選擇咗$488任食松葉蟹和牛放題, 先上剌身三點, 剌身好新鮮好肥美, 有得再encore就好啦.

剌身三點

烤A5/A4和牛沙律, 和牛牛味香濃蔬菜沙律好新, 都係有得再encore就好啦.

烤A5/A4和牛沙律

冲繩松葉蟹登場, 我懶, 冇燒就咁食, 冲繩松葉蟹果然唔同阿拉斯加蟹腳, 冇雪味. 呢度有鉸剪方便客人, 食起上黎好方便.

冲繩松葉蟹

我對冲繩和牛同豬興趣不大, 不過油份一定好充足, 見同事燒起上黎好大火, 要員工幇手救火.

加$80有任飲普通飲品, 都係一般汽水綠茶, 少貴.