上海婆婆336 (荃新天地) (已結業)

收工，唔想去咁遠，想返去屋企樓下食，於是就隨便去上海婆婆度試下啦！好彩咁岩就有一張枱，唔洗等位，咁我地就好快咁睇左個menu，點左以下嘅菜式啦！首先係家常豆腐，感覺上係紅燒豆腐嘅上海版，面頭有青椒，跟住係走過油嘅豆腐，底部有冬菇，食落去有少少辣嘅豆瓣醬，幾開胃同香口。生煎包，一個比較麻麻嘅菜式，個包面好硬，而且唔夠熱，裡面肉肉汁都唔夠，有少少失望。跟住到上海粗炒，經典嘅上海菜，配料有菜絲，肉絲，冬菇絲再加上醬油炒，e個係最快上菜嘅一款，唔係好夠熱，唔知係唔係即叫即炒呢！？最後係松子黃魚，佢係我地覺得最正嘅一道菜，個酸汁煮得好正，配料足，有蝦仁，蕃茄，椰果，菠蘿等，魚肉新鮮，啖啖肉，而且見到師傅唔會偷功減料，炸起嘅魚再加上酸汁就真係絕配，下次再黎幫襯都會再食e 個，最後埋單走人返屋企。