影片
更多
2023-12-22
36 瀏覽
臨近聖誕，當然要約朋友食個飯聚舊，揀左係裕民坊呢間餐廳，喜歡佢舒適輕鬆既格調，而且地點十分方便。2人套餐（$462）泰館肉碎冬瓜粉絲湯（⭐⭐⭐⭐⭐）雖然泰菜以香辣味道為主，但天氣又凍又乾，都想飲D清清地又滋陰既湯暖一暖胃先。餐廳既冬瓜湯絕對無令我地失望，一入口十分清甜，後續就一股暖暖既窩心感覺，唔似其他出名既泰式湯，佢唔會嗆口、又唔會太濃搶過其他菜式味道，加上粉絲冬瓜件，一流既開胃湯品。烤魷魚鬚（⭐⭐⭐⭐⭐）燒烤類食品一直都深受人喜愛，餐廳既燒魷魚鬚亦都令筆者食指大動。未講味道，淨係份量都夠既誠意，一般食魷魚鬚最怕份量少之又少，食到一兩條就完，但餐廳既份量絕對足夠。味道方面，有香濃既燒烤味又唔會過咸，而且魷魚鬚燒得十分彈牙爽口，唔會攝牙縫。青芒酸薑牛油果米紙卷（⭐⭐⭐⭐⭐）酸酸甜甜既米紙卷令筆者感到十分開胃，係凍冰冰乾燥既天氣下，令人REFRESH一下。喜歡餡料十分有口感，爽爽脆脆，配上煙靱既米紙卷外皮以及軟滑牛油果，味覺口感雙享受。芭堤雅烤脆燒雞（⭐⭐⭐⭐⭐）筆者絕對要推介既餐廳菜式，點菜既時候，職員提醒呢道菜要等大約20分鐘，相信係即叫即燒。上菜既時候果然令人等耐D都值得！先未講熱
2人套餐（$462）泰館肉碎冬瓜粉絲湯（⭐⭐⭐⭐⭐）
雖然泰菜以香辣味道為主，但天氣又凍又乾，都想飲D清清地又滋陰既湯暖一暖胃先。餐廳既冬瓜湯絕對無令我地失望，一入口十分清甜，後續就一股暖暖既窩心感覺，唔似其他出名既泰式湯，佢唔會嗆口、又唔會太濃搶過其他菜式味道，加上粉絲冬瓜件，一流既開胃湯品。
烤魷魚鬚（⭐⭐⭐⭐⭐）
燒烤類食品一直都深受人喜愛，餐廳既燒魷魚鬚亦都令筆者食指大動。未講味道，淨係份量都夠既誠意，一般食魷魚鬚最怕份量少之又少，食到一兩條就完，但餐廳既份量絕對足夠。味道方面，有香濃既燒烤味又唔會過咸，而且魷魚鬚燒得十分彈牙爽口，唔會攝牙縫。
青芒酸薑牛油果米紙卷（⭐⭐⭐⭐⭐）
酸酸甜甜既米紙卷令筆者感到十分開胃，係凍冰冰乾燥既天氣下，令人REFRESH一下。喜歡餡料十分有口感，爽爽脆脆，配上煙靱既米紙卷外皮以及軟滑牛油果，味覺口感雙享受。
芭堤雅烤脆燒雞（⭐⭐⭐⭐⭐）
筆者絕對要推介既餐廳菜式，點菜既時候，職員提醒呢道菜要等大約20分鐘，相信係即叫即燒。上菜既時候果然令人等耐D都值得！先未講熱辣辣香噴噴，雞肉十分之嫩滑，而且無論邊個部位都係每啖都有肉汁流出，令人食唔停口。味道亦調得恰度好處，有泰式既惹味，又有雞肉本身鮮味，正。
薑黃菠蘿炒飯（⭐⭐⭐⭐⭐）
菠蘿炒飯就食得多，但呢間餐廳就令筆者留下深刻印象。炒飯底除左每粒飯粒粒分明之外，唔會太乾起骨，亦唔會太軟無口感，而且筆者好喜歡佢既調味，薑黃味同香料味突出，加上菠蘿、臘腸、提子乾等等，口感味道係嘴裡大爆發。另外十分面上串燒，燒得剛好又好味。
泰式街頭椰子雪糕（⭐⭐⭐⭐⭐）
未講味道，淨係賣相都夠打卡啦。雪糕十分軟滑，唔會起冰沙，每啖都軟滑順口，而且椰子味十分突出，配上面頭椰子絲，乾果，雙重椰味及不同口感，絕對好味過係泰國食。
香桃花茶（⭐⭐⭐⭐⭐）
食過咁多惹味菜式同甜品，餐廳既花茶就為我地劃上完美句號。花茶有淡淡香甜同花香，一解剛才菜式既濃厚味道，飲完成個人都舒服晒。
~~~~~~~~~~~~~~~~~~~~~~~~~~東羅泰館 協和街33號裕民坊YM² 3樓309號舖
👍出色味道
👍地點方便
👍環境舒適
張貼
