Urban City Diner (已結業)

在 8月頭的星期日早上，跟好姊妹事隔9年，重臨機場國際博覽館，今次睇清明上河圖 3.0 香港數碼展！ 我們在早上11:30 入場，行到約中午 1:00！我們便搭 S1 巴士到東涌食嘢！記得當日早上，我們由東涌地鐵站行去巴士站，經過東涌名店倉地下，見到有間餐廳個餐牌，供應羽衣甘藍芒果昔！幾吸引我呀！於是，我們便走去幫襯這間 Urban City Diner 嘞！餐牌男店員幫我們落單，當兩杯飲品送來好一陣時間，我們見牛角酥尚未送到，便追問幫我們落單的男店員，他記得我們這枱點了芝士及焦糖牛角酥，餐廳供應咁多款牛角酥，加上當時又坐滿食客，他超好記性呀！真係值得一讚！餐廳有型獨特的格局給人輕鬆的感覺，又坐得幾舒服！芝士牛角酥 $18烘焗後的芝士，融化後的賣相很型！而且口感好香脆，令我愛不釋口！包質鬆軟，滿載鹹香芝味！焦糖法國牛角酥 $18表面偏深啡色！看似燒焦，朋友認為略帶燶味，入口甜味！外層香脆，內裡柔軟！羽衣甘藍芒果昔 $42被譽為超級食物的羽衣甘藍，混合芒果，絕對是一個清新配搭！本身帶微苦的羽衣甘藍，與酸甜的芒果混合起來，可中和其輕微苦澀的味道，兩者口味平衡，加入冰打製而成，質感濃稠度適中