大食代 (已結業)

星期六無無聊逛入東薈城,行咗一個圈都唔知食咩好!食店人頭湧湧,唯一呢間鐵板燒有位坐,友人提議試一試!牛扒海鮮餐----有飯有湯有菜有魚有蝦有有魷魚有牛扒,雖然不是用什麼頂級食材,但其中魚同牛朳出奇地好喎!魚煎得面層幾香,牛朳肉質可入口,個蒜蓉汁好惹味.蒜蓉炒過嘅油墨菜同芽菜都唔錯!係跟餐個白飯爛爛地.雞朳拼魚餐----我個餐就多嘢食Ｄ喇!雞朳個汁同牛朳一樣,雞皮煎得脆脆地肉都幾好同埋最緊要係無雪味!其實已經比旺角通菜街某Ｄ店舖收幾百蚊嘅做得好!Food Court仲想點?