風 (已結業)

東大街最近有新面孔加入，係街頭開咗一間日式裝修嘅車仔麵店，舖面雖然唔算好大，但小店更見人情味，店員態度親切友善，仲會同食客介紹食材湯底，絕對夠Heart，值得支持👍🏻💪🏻💪🏻💪🏻

《滷水牛展+豬紅+魚蛋米粉》 $46 3.8 / 5 🙌🏻🙌🏻🙌🏻🙌🏻


看似平凡，實質食落都幾有水準👍🏻車仔麵最緊要就係湯底，偷聽到店員話湯底用咗好多蘿蔔煲成，難怪特別清甜，亦唔油膩🤤
配料份量慷慨，滷水牛展口感軟綿，好入味😋豬紅同魚蛋就中規中矩，正常發揮🥴
特別要讚舖頭嘅秘製辣醬，以為一小撮無料到，原來係後勁凌厲🤣好刺激，鍾意辣嘅朋友記得加辣！


小店嘅親切程度，係連烏龍茶嘅樽蓋都幫忙擰開🥺 細節見態度，東區之友又多個選擇😎