夏龍灣 (已結業)

兩個人放咗工喺筲箕灣唔知食咩好，行行吓見到一間新開嘅越南嘢，就走入去試吓。見到個Menu都好多選擇，咁肚餓得滯所以都叫左唔少野。火車頭檬粉，入邊真係好多料，牛丸牛筋牛柏葉生牛肉牛腩片，好多牛！個湯又好好飲，完全係煲咗好耐嘅牛湯！仲落埋咁多牛嘅料入去，成件事好正。香茅雞翼湯河，個雞翼真係好正，即刻煎出黎，再加咗少少蔥油喺上邊，連埋個湯河一齊食，又係好正好好味。木瓜牛肉沙律，個牛肉又係煎得啱啱好，又唔會太油，有啲花生喺上邊，成件事好舒服。下面都有好多切咗絲嘅木瓜，好彩唔係好油，所以好好食，夏天食呢個都幾清涼幾清爽啱啱好。熱薏米水，薄荷葉青檸梳打，薏米水好解油膩，食咗河粉飲下都啱啱好，個青檸梳打因為有薄荷，夏天飲係好清涼好舒服。