Simplylife The East The West (已結業)

一直以為 Simplylife 只係食西餐, 今日經過就再望下個餐牌, 呢間居然有東南亞嘅食物 (越式、泰式、印式), 而且價錢一 D 都唔貴｡ 就係因為個東南亞餐牌, 咁就吸引左我入去試｡ 餐廳面積好大, 樓底又夠高, 俾人好舒服嘅感覺｡ 軟殼蟹米紙卷個軟殼蟹係剛剛炸起, 咬落去脆卜卜, 熱辣辣, 包住個米紙卷一齊食, 可以感受到又軟又脆嘅口感, 食落去一 D 都唔油膩｡馬沙文咖喱牛腩 +薄餅牛腩嘅份量超大份, 而且已經煮到好淋身, 好入味｡ 食咖喱又點少得薄餅呢  !?! 特登 Order 左份薄餅沾埋 D 咖喱一齊食, 咖喱好惹味, 有少少微辣, 非常開胃｡