Chilli Lime (形點 I)

今次要介紹位於元朗YOHA嘅Chili Lime，餐廳座位好闊落舒適，環境高檔似西餐廳，但其實係主打東南亞風味菜式，再睇睇個MENU，會發現款式係集印度、泰國、馬來西亞於一身，所以係可以同時滿呎到你三個願望 
首先係頭盤木瓜沙津，酸酸甜甜而且微辣好惹味，作為開胃菜真係一流，而且仲有大大隻蝦肉，真係誠意爆棚 ！
然後就到串燒同蝦餅，雞肉串燒烤得恰到好處，有烤味之餘內裡仲保留到雞肉嘅鮮嫩，加上自家沙嗲醬超好食。蝦餅就炸得好酥脆，而裡面就好紮實飽滿，咬落去好滿足! 
到主角印度烤餅啦，烤餅用騰木籃裝住好有風味。口感香脆又鬆軟，食落帶點香蔥味，真係整得好好!而食炸餅當然要配上咖哩啦，今次叫咗雞肉咖哩，口味唔辣帶點酸甜好開胃，加上炸餅真係絕配，食哂成塊都唔覺得膩，呢個真係大力推薦。 
飲品方面就點咗Yellow Sky，係東南亞水果口味嘅cocktail，配上成餐東南亞風味嘅菜式真係大滿足。