餐廳唔大, 座位都好窄, 不過係中環地方真係冇辦法啦😆餐紙設計得好靚, 所以忍唔住影左張相。而我地為左避過食飯高峰期, 所以3點先去食, 原來 2:30-6pm 係有 tea time 20% off, 即刻覺得好抵啊
可能係下午茶時間關係, 選擇比較少, 主要有2張紙, 一張係已經定好晒餸嘅麵類, 另一張係可以自選餸。哦？咁未變左車仔麵😂
母親大人揀左雞湯解蝦札肉通菜金邊粉。我偷左一啖湯黎飲, 湯底好清新, 適合年紀大喜歡清湯嘅人。蝦有2大隻, size 都好大, 但不夠解, 通菜份量都較少😳但札肉好好食, 冇諗過札肉咁好食, 佢地嘅札肉較濃味, 用香料做, 所以配合湯麵味道剛剛好。
而我自己叫左特濃牛骨湯肥牛秀珍菇金邊粉, 個湯底冇令我失望, 濃湯底最怕太鹹, 佢唔太鹹之餘, 仲有好香嘅牛味。
但其餘嘅餸都係一般味道冇咩特別。要特別一提係個金邊粉, 我自己好鍾意食幼河粉, 而且特別挑剔, 佢地嘅粉好彈牙, 而且同濃湯底配合得好好。值得一讚💕
總結: 2個人, 計埋 20% off, 總共係 HKD92, 以中環黎講, 價錢已經好平。但店面較窄, 建議可以下午茶時間少人好多。❤
