影片
更多
2022-04-04
114 瀏覽
Chilli Lime去Yoho Mall，發現原來呢度都有Chilli Lime，又可以食到唔同國家嘅東南亞菜。呢間嘅環境都好好，座位之間隔得好開，而且裝修好chill，仲有戶外嘅位，好正☺️雖然我哋得兩個人，但我哋都忍唔到嗌咗好幾樣嘢。越南鮮蝦米紙捲呢度嘅米紙卷都幾豐富，銀絲米粉配搭爽口嘅瓜菜，最正係入面加咗啲炸過嘅脆脆，連埋彈牙嘅蝦，再加埋魚露汁，酸酸甜甜，好開胃青咖喱牛肉以泰式咖喱黎講，最鍾意青咖喱，辣得嚟椰汁味又好重，呢度嘅青咖喱都好正宗，除咗辣仲會帶啲甜味，口感濃郁豐富😍蒜蓉味烤餅（Naan）食咖哩一定要配naan，個蒜蓉味嘅Naan充滿蒜蓉香，就咁食已經好好味，加埋咖喱再放落口，更加正😆椰子雪糕侍應介紹話要試吓佢哋嘅椰子雪糕，真係好有驚喜😍佢比較接近雪芭嘅口感，充滿住椰子味，面層再加咗啲椰子刨絲同埋花生粒，將味道同口感都昇華咗一個層次🤩芒果糯米飯佢嘅芒果糯米飯，芒果份量好多，好甜，糯米飯仲有三隻色，白色係原味、淺藍色係蝶豆花糯米飯、紫色係紫糯米，三種口味都好正☺️
去Yoho Mall，發現原來呢度都有Chilli Lime，又可以食到唔同國家嘅東南亞菜。呢間嘅環境都好好，座位之間隔得好開，而且裝修好chill，仲有戶外嘅位，好正☺️雖然我哋得兩個人，但我哋都忍唔到嗌咗好幾樣嘢。
越南鮮蝦米紙捲
呢度嘅米紙卷都幾豐富，銀絲米粉配搭爽口嘅瓜菜，最正係入面加咗啲炸過嘅脆脆，連埋彈牙嘅蝦，再加埋魚露汁，酸酸甜甜，好開胃
青咖喱牛肉
以泰式咖喱黎講，最鍾意青咖喱，辣得嚟椰汁味又好重，呢度嘅青咖喱都好正宗，除咗辣仲會帶啲甜味，口感濃郁豐富😍
蒜蓉味烤餅（Naan）
食咖哩一定要配naan，個蒜蓉味嘅Naan充滿蒜蓉香，就咁食已經好好味，加埋咖喱再放落口，更加正😆
椰子雪糕
侍應介紹話要試吓佢哋嘅椰子雪糕，真係好有驚喜😍佢比較接近雪芭嘅口感，充滿住椰子味，面層再加咗啲椰子刨絲同埋花生粒，將味道同口感都昇華咗一個層次🤩
芒果糯米飯
佢嘅芒果糯米飯，芒果份量好多，好甜，糯米飯仲有三隻色，白色係原味、淺藍色係蝶豆花糯米飯、紫色係紫糯米，三種口味都好正☺️
張貼
