新泰東南亞餐廳 (已結業)

又到三人飯聚時間今次朋友話要離開銅鑼灣，揀左灣仔新泰東南亞餐廳。餐廳位於二樓，座位算多。另外食物選擇亦不小！小食拼盤有春卷，魚餅，蝦餅同肉碎生菜包。熱辣辣剛炸起，魚餅同蝦餅都好彈牙。肉碎生菜包份量好多，三個人都食唔哂。春卷比較下略微差一點，外皮太油。串燒半打-雞牛豬串燒都係熱辣辣，雞牛豬每款各二我地岩岩好，每人都食到唒三款。沙嗲醬好重花生味，不會太辣。泰式蝦炒金邊粉面頭蛋漿網面整得好靚，入面金邊粉甜甜酸酸好開胃，而且有三四隻蝦。馬拉盞通菜好惹味的馬拉盞，菜炒得剛好，又不會太咸太辣。泰式甜品大拼盤芒果糯米飯糯米飯熱辣辣，配上超甜芒果，煙韌糯米飯加上椰汁，超正！個人比較喜歡白糯米飯。椰汁西米糕椰汁有點怪，不是滑的質地，結成一舊舊。咬左一啖就無食了。南瓜布甸有點似大菜糕，甜甜地。千層糕最喜歡呢款，班蘭同椰汁綠白相間，咬落去煙煙韌韌，又香椰汁味。蒸木薯糕我第一次食呢款甜品。蒸木薯糕都係熱辣辣的，椰汁香濃，入面的木薯絲帶點咬口，不錯。