金鶴拉麵 (九龍城道) (已結業)

土瓜灣其實好多隱世好野食，今日趁著我同老公都放假，黎左紅蘋果街市後面街既金鶴拉麵。本來仲諗住入面好細，點知入到去都幾大，仲可以上幾級樓梯去坐上面。兩張枱之間都好闊落，整間店嘅燈光比較暗，好有氣氛。我最鍾意係佢仲有啲屏風做間格，鍾意有啲人隱私既朋友都可以喺度食得好放心。我地叫左金鶴雞白湯拉麵，辛味拉麵，午餐時段可以加+$28叫一款小食，各加了唐揚炸赤雞同日式餃子🥟一客。金鶴雞白湯拉麵，奶白色的。雞湯湯底幾好飲，又唔似豚骨湯甘咸。店員話湯底係東京空運過黎，好利害！拉麵煙韌有口感，而上面的配料都係好豐富的。舖滿左拉麵上面，赤雞肉，豚肉叉燒，糖心蛋，牛蒡，葱絲等等。赤雞肉係用慢煮製作，因此口感一點也不老，柔軟嫩滑。黑豚肉叉燒有點肥肉，肉質鬆化。我最欣賞係炸左既牛蒡，脆卜卜，但又唔會太油，不過建議要盡快食，只為浸湯太耐淋左，口感會大大減少。