蘇杭餐廳 (已結業)

每天中環區午飯都要同時間競賽，因為得一個鐘頭食飯感覺上足夠，但係當個個都係呢個時候出動，咁就等位都用咗一啲時間，所以真正可以食飯嘅時間真係買少見少。我特別鍾意一個人出去食飯，因為較容易搵位，今天到了上環蘇杭街搵食，見到邊度有位就去邊度，這小店地方不大只有幾張枱，不過咁好彩有一個位所以即刻有得入去食。這碟飯不過不失，米飯不夠熱，反而欣賞那塊豬扒炸得鬆脆香口，醬汁中的香料幾濃，攞返啲印象分，再配過凍鴛鴦，為下晝工作提提神添上動力，我入去到埋單成個過程都係15分鐘左右，因為我明白食飯嘅苦況，所以我都會識做求其醫個肚就算了。