杏甜品 (香檳大廈) (已結業)

上次同朋友仔食完飯經過，已經好想止下呢間啲糖水🤩無奈果次實在太飽食唔落😅今日我突登帶埋偽韓仔一齊出黎食，佢食得勁開心🥳因為有佢中意既小丸子😆而家帶埋小朋友黎食糖水打卡，仲有貓貓匙羹送添呀😍呂宋芒小丸子杏仁茶吸吸偽韓仔自己飲晒成杯，入而勁多小丸子，媽媽只係有機會試左幾啖🤪食到啲小丸子非常煙靭，唔會好粉，仲有好多芒果肉&蓉，飲落先嚐到芒果味，繼而杏仁味係後勁出嚟😂杏仁茶燉蛋白話晒呢度都係杏仁糖水專門店，媽媽緊係要試下最傳統既糖水🥰蛋白燉得好滑，加埋頂層既杏仁茶又係好滑，滿滿杏仁味貓山王榴槤爽冰夏天就係榴槤嘅季節，熱辣辣嘅天氣，榴槤同冰簡直就係絕配😍婆婆一入門口，聞到浸榴槤味，就已經話要嗌呢個😅果然不負佢所望，上面嘅貓山王蓉雪到變冰，啖啖肉，佢話超正！唔洗幾分鐘，佢已經清左🤣