五代同糖 (已結業)

8月13日, 是日黑色星期五, 夜晚想搵甜品食, 行下行下嚟到五代同糖~ 門口都好多人wor, 但係好好彩地咁啱有2個位俾我地, 裏面可以用插針嚟形容, 得一條小巷可以行~::: 朱古力雪花冰 ::: $33本身都唔係太好雪花冰嘅呀比, 都俾呢個朱古力吸引咗~ 濃濃嘅朱古力又真係好美味, 好似飲緊朱古力奶咁, 好creamy~ 仲要加埋朱古力醬添, 冇懈可擊~ 配料方面,溶下溶下嘅雪花冰配上有質地煙煙韌韌嘅棉花糖, 好好嘅配搭, 而椰果就比較冇咁好, 因為佢濕濕地整淡咗個朱古力味~ 整體係有驚喜的~::: 朱古力心太軟配雲呢拿雪糕 ::: $48一嚟已經好香濃嘅朱古力味! 切開少少, 入面d朱古力醬十分流心!! 心太軟外層因為夠薄所以焗得脆脆的, 但內裡的蛋糕部份亦不失軟綿口感~ d朱古力甜度啱啱, 夾埋凍冰冰嘅雲呢拿雪糕一齊食真係超yummy! 仲要特別讚下呢個雲呢拿雪糕, 又滑又綿, 絕對唔係cheap cheap雪糕~ good!黑色星期五晚上食個同是黑黑地嘅朱古力, 好應景呀~ 食物質素有水準, 難怪咁多人食, 可惜店面太迫喇, 真係食完就要快鬆人…