CHOKOHOOD (已結業)

今次去到大坑食甜品，甜品店以橙色為主調，配合簡約既木桌椅同綠色植物，既搶眼又簡約。店主搜羅各種高質朱古力磚，製作出多款甜品同飲品。Chokohood Party 包括黑朱古力泡芙、海鹽焦糖雪糕配朱古力窩夫筒配朱古力醬及可可碎粒、Panna Cotta 意式奶凍配可可蜜同可可茶。用左特別設計既餐墊，介紹了每一款甜品用左邊個部分製作。店員建議先食Panna Cotta 意式奶凍，奶凍口感細滑，之後再品嘗可可茶，可可茶用了可可殼冷泡，帶淡淡發酵味，這味道幾特別，跟住就到海鹽焦糖雪糕配朱古力窩夫筒，雪糕筒既朱古力醬十分香濃，最後就到黑朱古力泡芙，呢個係我最喜歡的，喜歡食黑朱古力的都不能錯過！凍朱古力飲品 有不同產地可選，包括厄瓜多爾、台灣同泰國，我就揀左台灣，味道帶有堅果、熱帶水果之香氣，入口香滑，可可味濃而且甜度適中。