臺北棧 (荷李活道) (已結業)

1年前食過呢間餐廳，當時覺得菜色幾新穎，又特別，所以一直想再食。咁啱今日同男朋友行中環，見冇乜人排隊，所以去食。點知已經同1年前唔同左，餐牌少咗野，味道重要冇咁好食。本身滿懷期待，最後一場空。粢飯遇上蛋餅😕餡料較少，食落感覺中間只得油炸鬼，比較乾身。黑蒜香油牛肉刀削麵🤷🏻‍♀️對呢碗牛肉麵非常失望，牛肉同刀削麵煮得比較爛，一夾即斷，唔覺得係應有嘅水準。手繪雙色鹽酥雞👍🏻稱為唔錯嘅鹽酥雞，醬汁係柚子醬同黑松露醬，前者比較清新，後者味道則濃而不膩。經典珍珠奶茶🥺茶味濃郁特別，但珍珠偏硬。