魚滑粥粉麵茶餐廳 (已結業)

今晚好晏先放到工，返到大埔都成九點，想落吧舒緩舒緩，之前食啲野先 ~蠔油菜芯走油，始終係比較鞋口，有好微好微既渣囉，真係唔夠嫰喎，如果夠嫰的話，我係可以整碟食晒無剩架，依家成日都食剩啲莖係度，好浪費，但我都唔想架麻。淨牛腩走油走蔥，今晚粥粉麵飯都唔想食，咁淨食肉啦。阿姐仲擔心我食唔晒，我話少擔心啦，都知我一向勁大食，仲要係食肉添，點會有得剩呀。味道同口感都保持頂級水準，牛腩勁入味，又軟棉又鬆化，腩汁香濃。墊底既生菜超爽嫰，索埋腩汁，正。