「迆」雪糕專門店 (已結業)

深水埗多左間雪糕打卡熱店！開左咁耐終於有機會嚟試下😋 主打素食雪糕，雪糕本身達到最嚴謹既純素標準，而雪糕筒則含蛋奶成份，想食唔同程度既素食，可以問下店員再決定用雪糕筒定杯，同埋加咩配料。今期既雪糕口味分別有鹹檸七、菠蘿冰、本地薑、豆腐味，口味可以相拼，同朋友share就可以一次過試齊四款口味，仲可以加錢試埋手工雪條。菠蘿鹹檸七拼話梅雪條神還原菠蘿冰既味道，加上鹹檸七果種鹹中帶酸刺激到成個味蕾，感覺好爽！旁邊既話梅雪條，酸得嚟好開胃，係熱辣辣既夏天非常想食到既酸甜口味。本地薑豆腐味拼紅豆雪條上面佈滿焦糖脆脆。本地薑用上子薑製作，先食到雪糕本身既creamy，再帶點薑既後勁，兩者balance得好好；四款口味之中，最鐘意既就係豆腐味❤️，以本地有機黃豆整成，味道濃郁之餘，口感軟密。旁邊既紅豆雪條亦同樣出色。十月萬聖節期間，亦加入左唔少魷魚遊戲🦑既元素。未入舖頭，已經見到門口棟左個一比一既士兵立牌💂🏻‍♀️，入面亦放有椪糖遊戲既四個圖案比人打卡。只要follow IG或FB，就可以$5優惠價買個椪糖挑戰下，成功的話仲可以獲贈一支雪條。椪糖抽中圓形，仿如嬴在起跑線上，三兩下就過左關。而我手上既星星