牛丼家

營業中

休息中

前排有間人氣熱狗店喺旺角開咗間牛丼專門店，定價同日本過江龍嘅兩大品牌有得揮。餐廳佔地兩層，一樓主打丼飯，二樓就做壽喜燒，由朝早開到凌晨2點，係時候要實測吓有冇料到。牛魔王飯需要等候10-15分鐘，漢堡扒係自家工場製作，本身已經調咗味，味道香濃，超級軟身，似牛肉碎多啲，另外配上特製醬汁，以牛肉脂肪、柚子等材料混合而成，記得要淋喺白飯度而唔係喺牛扒上面呀！最後伴以酸薑片解油膩。本身想試埋牛丼飯但係店員推介咖喱雞扒，雞扒煎至香口，配上唔辣嘅咖喱汁都幾夾。另可加配小食，炸雞有三大塊，酥脆可口，雞味突出，而公魚仔有四條，帶鹹香氣，微微脆身，見隔籬枱嘅青菜都好大份，整體性價比高，試試無妨。