牛丼家

營業中

休息中

作為香港人，一定要幫襯返本土牛肉飯專門店。牛丼佔據左成兩層，好闊落。套餐價錢非常優惠，款式大致分為牛、漢堡扒、豚、雞、鰻魚。我地嗌左個招牌嘅牛魔王飯，同咖哩雞扒飯。小食揀左菜同炸雞。牛魔王飯係即叫即做，用和牛製成漢堡扒，咬落牛味濃又juicy, 手掌嘅大細，份量都幾足架。落埋個燒肉汁，超級開胃。咖哩雞扒飯嘅雞扒夠嫩滑，日式咖哩係唔辣嘅，超香濃咖哩味，我勁鍾意！餐廳啲飯係珍珠米黎，入口非常軟綿好食。性價比真心高嘅本土店，下次想黎食埋個當家牛丼。而家餐廳仲有學生証優惠，連畢左業舊嘅証都可以出示，有得減$5。下次再黎我一定帶埋黎😝